Visualizacións de páxina totais

xoves, 7 de xaneiro de 2021

Odisea


O próximo mes de marzo participaredes no concurso máis agardado do ano: Odisea

Ide preparando os equipos, lendo as bases e achegándovos ó tema deste ano: A saúde e a enfermidade en Grecia e Roma.

A continuación copio uns fermosos textos cos que a organización (Sociedade española de Estudios Clásicos, Galicia) nos presenta o concurso deste ano:

A nosa nave xa correu innúmeras aventuras na navegación polo proceloso mar dos centros de toda Galicia e, unha vez máis, nesta nova singladura, ansiamos chegar á nosa illa sans e salvos e tamén máis sabios.                                                                  

                                             Xuramento Odiseico                                                            

Xuro por Apolo médico e por Asclepio e por Hixía e por Panacea e todos os deuses que me embarcarei nesta nave de Odisea  co corazón limpo, a mente aberta e as ganas de aprender no camiño, como bo Ulises que son. Farei un oco entre as miñas obrigas no instituto para formarme e prepararme para esta odisea 2021.                                                                
Pretexereime e protexerei aos demais, con todos os medios ao meu alcance contra a efermidade que condiciona agora as nosas vidas ata límites nunca sospeitados.                                                                              
Gozarei buscando información en libros e mediante as TIC, que é do pouco  que nos quedou incólume nestes tempos de pandemia real que estamos a vivir.                                                                                                                 
Xogarei con todas as miñas forzas, desexando gañar e competindo contra os meus contrincantes e rexeitarei todo tipo de trampas.                               
Aceptarei a derrota no seu momento, se se produce; e alegrareime da victoria se chego a gañar.                                                                               
E, sobre todo, saberei que terei aprendido cada día que me adestre para esta Odisea 2021 sobre a saúde e a enfermidade en Grecia e Roma, e mesmo terei colaborado a espallar o coñecemento dos nosos antepasados sobre este tema.                                                                                             
Grazas á miña aprendizaxe, serei máis consciente de que nese saber antigo está a raíz, a orixe, dos coñecementos científicos dos nosos sanitarios, que estudan moito e traballan para loitar contra a enfermidade.
Así pois, se observo este xuramento sen quebrantalo, séxame dado gozar do meu concurso e dos meus estudos e ser honrado para sempre entre os meus compañeiros; máis se o quebranto e cometo perxurio, sucédame o contrario
”.

 


Hospital de Epidauro


Recipientes para perfumes ou beberaxes procedentes de Eubea